नवलपरासी । नवलपरासीको अरुण खोलाको पुल भत्किएपछि बनाएको डाइभर्सनमा सडक जाम परेका कारण यात्रुहले निकै सास्ती पाएका छन् । जंगलको भागमा पर्ने सडकमा जाम पर्दा यात्रुहरुलाई खाना तथा पानीको समस्या पर्ने गरेको छ ।
महेन्द्रराजमार्गमा सडकको दुवैतर्फ बाक्लो जंगल भएको र कुनैपनि पसल नभएका कारण बाटोमा बेच्न ल्याएको खानेकुरालाई चर्को मूल्य तिर्न यात्रुहरु बाध्य छन्। यहि बाध्यताको फाइदा उठाउँदै स्थानीय व्यापारीले यात्रुबाट एक बोतल पानीको १ सय रुपैंया र चाउचाउको ७५ रुपैयाँ सम्म लिइरहेका छन् । साथै रु १० पर्ने बिस्कुट ५० रुपैयाँ सम्ममा बेच्ने गरेका छन् ।
सडक एकातर्फि सञ्चालनमा आएतापनि ४ घण्टासम्म जाम हुँदै आएको छ। पूर्व र पश्चिम दुवैतर्फ जाने यात्रुको चाप रहने सडकमा घण्टौ जाममा पर्दा भोक र प्यासका कारण जसले जति भन्छ त्यति मूल्य तिर्नुपर्ने बाध्यता यात्रुहरुलाई छ ।
यस ठाउँबाट मेची र महाकाली पुग्नका लागि दुरी बराबर पर्दछ ।
२०७६ भदौ ३ गते प्रकाशित
वि.सं.२०७६ भदौ ३ मंगलवार १३:०४ मा प्रकाशित
