मोरङ । बिराटनगरको नोबेल अस्पतालका डाक्टरले गर्भवती महिलाको शल्यक्रिया गर्ने क्रममा नवजात शिशुको खुट्टो भाँचिदिएका छन् । पेटबाट बच्चा निकाल्ने क्रममा शिशुको दाँया खुट्टाको हड्डी भाँचिएको हो ।
मोरङ केराबारी–९ कुसुमे निवासी अनिशा बिकको शल्यक्रिया गरी शिशुलाई निकाल्ने क्रममा शिशुको दाहिने तिघ्राको हड्डी भाँचिएको बताइएकोछ । अहिले नवजात शिशुको तिघ्रामा ब्याण्डेज गरेर दुईसातादेखि अस्पतालमै राखिएको छ । डाक्टरकै लापरवाहीका कारण शिशुको खुट्टा भाँचिए पनि अस्पतालले औषधि खर्च व्यहोर्न मानेको छैन । आफूहरुको आर्थिक अवस्था सामान्य रहेको भन्दै शल्यक्रिया गर्ने क्रममै शिशुको खुट्टा भाँचिएकाले उपचारको जिम्मा अस्पतालले नै लिनुपर्ने बिक दम्पतीको माग छ ।
घटनाबारे अस्पतालका प्रवन्धकले भने अस्पतालका कारण बच्चाको अवस्था त्यस्तो भएकै कारण बेड चार्ज नलिएको बताए ।
१४ चैत, २०७२, ९.००
वि.सं.२०७२ चैत १४ आइतवार १०:२३ मा प्रकाशित
