काठमाण्डौं । आन्तरिक राजस्वले कम्पनीको नाम सहित सार्वजनिक सूचना जारी गरेर करदातालाई राजस्व बुझाउन आग्रह गरेको छ । मूल्य अभिबृद्धि कर(भ्याट) र आयकर बक्यौता राख्ने ४६ कम्पनीलाई राजस्व बुझाउन आग्रह गरिएको हो ।
पाँच लाख देखि चार करोड रुपैयाँसम्म कर बक्यौता राखेका कम्पनीको नाम राजस्व कार्यालयले सार्वजनिक गरेको छ । सबैभन्दा बढी नेशनल हाइड्रोले चार करोड दुई लाख रुपैयाँ कर बक्यौता राखेको छ । त्यस्तै, युनिभिर्सल सप्लाई एजेन्सीले दुई करोड ३२ लाख रुपैयाँ, रौताहा जगुरमुखी गीताञ्जली जेभीले दुई करोड २७ लाख रुपैयाँ, सेती चुरोट, रसुवा डिष्टिलरी, अरिहन्त होलिडेज लगायत छन् ।
यस बाहेक वित्तीय सेवा प्रदान गर्ने स्मार्ट च्वाइस टेक्नोलोजी, पर्यटनसँग सम्बन्धित थामसेर्कु ट्रेकिङ जस्ता कम्पनी पनि परेका छन् ।
१४ चैत, २०७२, ३.३०
वि.सं.२०७२ चैत १४ आइतवार १६:४३ मा प्रकाशित
