काठमाडौं । एनआइसी एशिया बैंकले सर्पोट सेवा २४ सैं घण्टा सञ्चालनमा ल्याएको छ । बैंकले आफ्ना ग्राहकलाइ गुणस्तरिय बैंकिङ्ग सेवा प्रदान गर्दै अझै आधुनिक र प्रतिष्पर्धी सेवा दिन यस्तो सेवा दिन लागेको हो ।
बैंकका ग्राहकलाई कुनैपनि सहायता आवश्यक परेको खण्डमा एनआईसी एशिया सपोर्ट सेवा वर्षको ३६५ दिन नै र २४ सै घण्टाको सेवा सुविधाका लागि गुनासो सुनुवाई गर्ने जनाइएको छ ।
यस सेवाको माध्यमबाट ग्राहक महानुभावहरुले बैंकलाई दिनु हुने सुझाव तथा गुनासोहरुलाई उच्च प्राथमिकताका साथ सम्बोधन गरी ग्राहक महानुभावहरुमा बिशेष लाभ पुग्ने विश्वास बैंकले लिएको छ ।
बैंकले मुलुकभर ३१३ शाखा कार्यालयहरु, ४०९ एटिएम, १०३ वटा एक्स्टेन्सन काउण्टर एवं ४५ वटा शाखारहित बैंकिङ्गमार्फत् बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको छ । करिब २० लाख ग्राहकका साथ सञ्चालनमा रहेको यस बैंकका प्रमुख वित्तीय परिसूचकहरु अत्यन्त उत्साहप्रद रहेका छन् ।
वि.सं.२०७६ पुस २४ बिहीवार १०:०४ मा प्रकाशित