काठमाण्डौं । नेपालको विभिन्न नदी नियन्त्रणका लागि भारतले ३८ करोड ६२ लाख ६ हजार रुपैयाँ सहयोग गरेको छ । सिँचाईमन्त्री उमेश यादबलाई नेपालका लागि भारतीय राजदूत रञ्जित रायले यो रकम बराबरको चेक हिजो बुधवार हस्तान्तरण गरेका हुन् ।
वर्षायाममा हुने क्षतिलाई न्यूनिकरण गर्नका लागि बाँध बनाउन र आफ्नो भूमिलाई जोगाउन भारतले नेपाललाई यो रकम उपलब्ध गराएको हो । यसअघि सोही नदीका लागि भारतले ४२ करोड ३१ लाख ७२ हजार रुपियाँ हस्तान्तरण गरिसकेको छ ।
सहयोग रकममध्ये वाग्मती नदीका लागि १० करोड, लालबकैयाका लागि ११ करोड, कमलाका लागि १६ करोड छुट्याएको छ । यो रकमबाट तटबन्ध निर्माण कार्य हुनेछ ।
२५ चैत २०७२, ९.००
वि.सं.२०७२ चैत २५ बिहीवार ११:३४ मा प्रकाशित
