काठमाडौं । सेयर बजार ४४.३३ अंक घटेको छ । बजार घटेपछि नेप्से परिसूचक १ हजार २७२ अंकमा झरेको छ । मंगलबार म्युचअल फण्ड बाहेक सेयर बजारका सबै परिसूचक रातामैं भएका छन ।
सबैभन्दा बढी जीवन बीमाको घटेको छ । जीवन बीमाको ४२६ अंक घटेको छ ।यस्तै, निर्जीवन बीमाको ३३८ अंक घटेको छ । बजारमा बढ्दा र घट्दा मुभ गर्ने बीमा समूह नै हो ।
यस्तै, उत्पादनमुलक ११५, लघुवित्तको ९३, विकास बैंकको ५२, होटलको ५३, व्यापारको ४९ र वाणिज्य बैंकको ३३ अंकले बजार घटेको छ । मंगलबार १ अर्ब ४६ करोड रुपैयाँ बराबरको ४३ लाख ६७ हजार ७७५ कित्ता सेयर किनबेच भएको छ ।
बजार घटे पनि एनआईसी एसिया बैंकको सबैभन्दा बढी कारोबार भएको छ । एनआईसी एसियाको प्रतिकित्ता १० करोड रुपैयाँको सेयर किनबेच भएको छ ।
यस्तै , एनएमबी बैंकको ३८८ मा ९ करोड १६ लाख र नेपाल लाइफ इन्स्योरेन्स कम्पनी लिमिटेडको १ हजार ५२ मा ७ करोड १० लाख रुपैयाँको सेयर किनबेच भएको छ । जोशी हाइड्रोपार कम्पनी लिमिटेड र घलेम्दी हाइड्रोपावर लिमिटेडका लगानीकर्ताले कमाएका छन ।
वि.सं.२०७६ चैत ४ मंगलवार १६:२९ मा प्रकाशित
