काठमाडौं । गृहमन्त्री रामबहादुर थापाको प्रस्तावमा मन्त्रिपरिषदको बैठकले दल फुटाउने सम्बन्धी खुकुलो अध्यादेश ल्याउने निर्णय भएपछि सबै भन्दा तरंगित मधेशवादी दलका नेताहरु बनेका छन् ।
संघीय समाजवादी पार्टीका अध्यक्ष उपेन्द्र यादव र राष्ट्रिय जनता पार्टीका अध्यक्ष शरतसिंह भण्डारीले दुर्भाग्यपूर्ण निर्णय भनेका छन् । तर, सत्तासिन पार्टी नेकपाका कार्यकर्ता पनि सशंकित बनेका छन् । खसगरी पूर्व माओवादी केन्द्रबाट एकता प्रकृयामा सहभागि भएका तल्ला तहका कार्यकर्ता सामाजिक सञ्जालमा तरंगित बनेका छन् ।
पूर्व एमाले र प्रधानमन्त्री निकटका कार्यकर्ता भने यो निर्णयले नेकपा झन बलियो हुने भन्दै ढुक्क देखिएका छन् । मन्त्रिपरिषदको बैठक लगत्तै अध्यादेश राष्ट्रपति कार्यालय पुगिसकेको ।
निर्णय सम्बन्धमा जानकारी गराउन र नयाँ निर्णय लिन नेपाल कम्युनिष्ट पार्टी (नेकपा) सचिवालयको वैठक भर्खरै प्रधानमन्त्री निवासमा प्रारम्भ भएको ।
वि.सं.२०७७ वैशाख ८ सोमवार १८:२० मा प्रकाशित