काठमाण्डौं । नेपाल राष्ट्र बैंकले नोटमा स्टीच नगर्न बैंक तथा वित्तीय संस्थाहरुलाई निर्देशन दिएको छ । राष्ट्र बैंकले लिएको सफा नोट नीतिलाई थप प्रभावकारी रुपमा कार्यान्वयन गराउन परिपत्र जारी गर्दे बैंक तथा वित्तीय संस्थाहरुलाई यस्तो निर्देशन दिएको हो ।
यस्तै सर्वसाधारणलाई भुक्तानी गर्दा चलनचल्तीमा पठाउन योग्य नोट मात्रै भुक्तानी गर्न बैंक तथा वित्तीय संस्थाहरुलाई निर्देशन दिइएको छ ।
केन्द्रीय बैंकले बैंक तथा वित्तिय संस्थाहरुलाई आफ्नो संस्थामा प्राप्त नोटहरुलाई चलनचल्तीमा पठाउन योग्य र अयोग्य छुट्टयाउन, चलनचल्तीमा पठाउन योग्य नोटको प्याकेटमा अनिवार्य रुपमा बैंकको नाम, नोट गन्ती गर्ने कर्मचारीको नाम, सही र छापसहित सेतो रंगको स्लिप मात्र प्रयोग गर्न राष्ट्र बैंकले भनेको छ ।
‘यसरी सर्टिङ गरिएको नोटको प्याकेटमा स्टिचको प्रयोग नगर्ने, यसमा आवश्यकता अनुसार रबररप्लाष्टिक÷पेपर बैण्ड प्रयोग गर्न सकिनेछ,’ राष्ट्र बैंकको निर्देशनमा भनिएको छ । नोटमा केरमेट नगर्ने र जथाभावी च्यात्ने कार्य नगर्नेरनगराउने ब्यवस्था मिलाउन पनि राष्ट्र बैंकले भनेको छ ।
यस्तै सर्वसाधारणलाई भुक्तानी गर्दा चलनचल्तीमा पठाउन योग्य नोट मात्रै भुक्तानी गर्न बैंक तथा वित्तीय संस्थाहरुलाई निर्देशन दिइएको छ । चलनचल्तीमा पठाउन अयोग्य नोट सर्वसाधारणलाई भुक्तानी दिन प्रयोग नगर्न राष्ट्र बैंकले भनेको छ ।
१४ बैशाख २०७२, ७।००
वि.सं.२०७३ वैशाख १४ मंगलवार ११:०४ मा प्रकाशित
