काठमाण्डौं । नेपाल बैंकले हकप्रद सेयर वितरण गरेर यसै वर्ष चुक्ता पुँजी आठ अर्व रुपैयाँ पुर्याउने प्रस्ताव गरेको छ । बैंकले ५६ औं साधारण सभाका लागि बुधवार एजेण्डा सार्वजनिक गर्दै यसै वर्ष चुक्ता पुँजी आठ अर्व पुर्याउन सय कित्ता बराबर २३.७४ कित्ता सेयर वितरण गर्ने प्रस्ताव गरेको हो।
बैंकसँग अहिले छ अर्व ४६ करोड ५० लाख रुपैयाँ चुक्ता पुँजी छ। हकप्रदबाट बैंकले एक अर्व ५७ करोड रुपैयाँ पुँजी जुटाउने छ। त्यसैगरी बैंकले मर्जर, एक्वीजीशन, टेकओभर तथा रणनीतिक साझेदार थप्नका लागि सञ्चालक समितिमा अधिकार प्रत्यायोजन गर्ने प्रस्ताव पनि साधरण सभामा ल्याएको छ।
नेपाल बैंकमा सरकारको ६२ प्रतिशत सेयर छ भने सर्वसाधरणको ३८ प्रतिशत सेयर हिस्सा छ। यस अघि पनि बैंकले हकप्रदबाट पुँजी वृद्धि गरेको थियो।
२९ बैशाख २०७३, १२.००
वि.सं.२०७३ वैशाख २९ बुधवार १३:४५ मा प्रकाशित
