काठमाण्डौं । अभिनेता राजेश हमालले भारतीय हिरोइनलाई नेपाली सेनाका जर्नेलले स्वागत गरेको विषयलाई लिएर निराशा व्यक्त गरेका छन्।
शनिबार सैनिक श्रीमती संघले आयोजना गरेको अमरपंक्षी नामक कार्यक्रममा भाग लिन आएकी भारतीय नायिका सोनाक्षी सिन्हालाई सेनाका जर्नेल समीर शाहीले एयरपोर्टमा पुगेर स्वागत गरेको समाचार प्रकाशन भएपछि उनी निराशा बनेका हुन्।
हमालले आफ्नो फेसबुक पेजमा सेनाको यस्तो कार्यबाट आफू लज्जित भएको बताएका छन्। उनले लेखेका छन्, ‘नेपाली सेना देशको गौरव हो । तर यो समाचार बढेपछि देशको एउटा नागरिकका रुपमा मेरो गौरव चकनाचुर भएको छ,’ उनले भनेका छन्, ‘देशको एउटा विनम्र कलाकारका रूपमा मैले हिनतावोध गरेँ । यदि उनीहरुलाई विदेशबाट आएका कलाकारलाई स्वागत गर्नु नै थियो भने सादा पोशाकमा गर्न सक्थे ।’
२ जेठ २०७३,१.००
वि.सं.२०७३ जेठ २ आइतवार १३:०० मा प्रकाशित
