काठमाडौं । माछापुच्छ्रे बैंकले शेयरधनीलाई अन्तरिम लाभांश वितरण गर्ने भएको छ ।
कम्पनीले साधारण सभा स्थगित गरेसँगै अन्तरिम लाभांश वितरण गर्ने प्रस्ताव गरेको हो । कम्पनीले २ दशमलव ८५ प्रतिशतले हुन आउने रू. २४ करोड १० लाख ८० हजार ६६० दशमलव २५ अन्तरिम लाभांश वितरण गर्ने प्रस्ताव गरेको हो ।
कोरोना महामारीको कारण शेयरधनीलाई परेको आर्थिक प्रभाव र चाडपर्व समेतलाई मध्यनजर गरी अन्तरिम लाभांश वितरण गर्ने प्रस्ताव गरेको कम्पनीले सूचनामार्फत जनाएको छ ।
नेपाल राष्ट्र बैंकले स्वीकृती दिएपछि कम्पनीले अन्तरिम लाभांश वितरण गर्नेछ । यसरी वितरण गर्ने लाभांशपछि हुने साधारण सभाले अनुमोदन गर्ने पनि कम्पनीले जनाएको छ ।
कम्पनीले कात्तिक ६ गते साधारण सभा गर्ने भनेकोमा कोरोना महामारी बढ्दै गएको भन्दै साधारण सभा स्थगित गरेको छ ।
वि.सं.२०७७ कात्तिक २ आइतवार १४:२३ मा प्रकाशित
