काठमाडौं । ङादी ग्रुप पावर कम्पनीले खोलेको आईपीओ सेयरको बाँडफाँड आज भएको छ । एनआईबीएल क्यापिटल लाजिम्पाटमा एक कार्यक्रमका बीच सेयर बाँडफाँड गरिएको हो ।
न्यूनतम तोकिएको ५० कित्ता अर्थात ५ हजार रुपैयाँदेखि अधिकतम ५० हजार कित्ता अर्थात ५० लाख रुपैयाँसम्मको आवेदन परेको थियो । यस कम्पनीमा ठूला लगानीकर्ता बढी मात्रामा लाभान्वित भएका छन् ।
सामान्यतः ५० हजार रुपैयाँभन्दा बढी लगानी गर्नेलाई ठूला लगानीकर्ताको रुपमा लिइने गरिन्छ । यद्यपी ङादी हाइड्रोको सेयरमा भने ८० हजार रुपैयाँसम्मको आवेदन गर्नेलाई नै गोलाप्रथाबाट छनौट गरी १० कित्ता सेयर दिइएको छ ।
५० कित्ता अर्थात ५ हजार रुपैयाँदेखि ८० हजार रुपैयाँ अर्थात ८ सय कित्तासम्मको आवेदन दिनेहरुलाई गोलाप्रथाबाट छानेर १० कित्ता सेयर दिइएको हो ।
त्यस्तै ८१० कित्ता ९८१ हजार रुपैयाँ०देखि ९ सय कित्ता ९९० हजार रुपैयाँ०सम्म आवेदन दिनेलाई पनि १० कित्ता सेयर दिइएको छ । यो समूहको लगानीकर्ता सबैले १० कित्ता सेयर पाएका छन् ।
त्यसभन्दा माथि अर्थात ९ सय १० कित्तादेखि ५० हजार कित्ता सम्मको सेयर माग गर्नेहरुलाई १। १६ प्रतिशतले हुन आउने सेयर दिइएको छ । यस हिसावले ५० हजार कित्ता सेयर माग गर्ने आवेदकले ५ सय ८० कित्ता सेयर पाएका छन् ।
कम्पनीले गत चैत २१ देखि २४ गतेसम्म १०० रुपैयाँ अंकित मूल्यका ९ लाख ७३ हजार सात ७३७ कित्ता सेयर निष्कासन गरेको थियो जसमा माग गरिएको शेयर भन्दा ९० गुणा बढी अर्थात करिब ८ अर्ब १६ करोड रूपैयाँको सेयर आवेदन परेको थियो ।
ङादी ग्रुपको हाल चुक्तापूँजी ३४ करोड ८ लाख ७ हजार ५ सय रुपैयाँ रहेको छ । कम्पनीले लमजुङमा पाँच मेगावाट क्षमताको सिउरी खोला जलविद्युत आयोजना निर्माण गरिसकेको छ । यो आयोजनाबाट विद्युत उत्पादन सुरु भइसकेको जानकारी कम्पनीले दिएको छ ।
प्रकाशितः २०७३ जेठ १२
वि.सं.२०७३ जेठ १२ बुधवार १३:०४ मा प्रकाशित
