काठमाडौं । भोलि अर्थात वैशाख ७ गतेका दिन गण्डकी प्रदेशमा सार्वजनिक बिदा दिएको छ । चैते दशैंमा गण्डकी प्रदेशभर सार्वजनिक बिदा हुने भएको हो ।
वैशाख ७ गते परेको चैते दशैंमा बिदा दिने प्रदेश सरकारले निर्णय गरेको छ । चैत १७ गते बसेको मन्त्रिपरिषद्को बैठकले गण्डकी प्रदेशमा चैते दशैंसहित ५ चाडपर्वमा बिदा दिने गरी राजपत्रमा प्रकाशित गरेको हो ।
राजपत्र अनुसार ०७८ सालमा चैते दशैंसहित ईद, तमुल्होसार, सोनाम ल्होसार र ग्याल्बो ल्होसारलाई बिदा दिने निर्णय गरिएको हो । प्रदेश सरकारलाई वर्षमा बढीमा ७ दिन बिदा दिने अधिकार दिइएको हुन्छ ।
वि.सं.२०७८ वैशाख ६ सोमवार १३:०४ मा प्रकाशित