काठमाडौं । बुधवार नेपाली बजारमा सुनको मुल्य सामान्य वृद्धि भएको छ । आज छापावाला सुनको मूल्य तोलामा १ सय रुपैयाँ वृद्धि भएको हो ।
नेपाल सुनचाँदी व्यवसायी महासंघका अनुसार आजका लागि छापावाला सुन प्रतितोला ९४ हजार २ सय रुपैयाँ कायम गरिएको जनाएको छ । अघिल्लो दिन ९४ हजार १ सय रुपैयाँमा कारोबार भएको थियो ।
महासंघले मंगलबार ९३ हजार ६ सय रुपैयाँमा खरिदबिक्री भएको तेजावी सुनको मूल्य आजका लागि भने ९३ हजार ७ सय रुपैयाँ निर्धारण गरेको छ ।
यस्तै, आज चाँदीको मूल्य भने घटेको छ । उक्त दिन प्रतितोला ५ रुपैयाँले घटेको चाँदीको मूल्य १३ सय ५० रुपैयाँ कायम भएको छ । अघिल्लो दिन तोलाको १३ सय ५५ रुपैयाँमा कारोबार भएको थियो ।
वि.सं.२०७८ जेठ २६ बुधवार १०:४५ मा प्रकाशित
