काठमाडौं । सेयर बजारमा विभिन्न ४ कम्पनीको साढे ४० लाख बढी कित्ता सेयर थपिएको छ । नेपाल स्टक एक्सचेञ्ज(नेप्से) मा एक विकास बैंक र तीन लघुवित्त वित्तीय संस्थाको ४० लाख ७१ हजार १८९ कित्ता बोनस सेयर सूचीकृत भएको हो ।
सोमबार निर्धन उत्थान लघुवित्त, स्वरोजगार लघुवित्त र आइतबार सांग्रिला डेभलपमेन्ट बैंक, मिर्मिरे लघुवित्तको बोनस नेप्सेमा सूचीकृत भएको हो ।
जसमध्ये निर्धन उत्थान लघुवित्तीयको १३ प्रतिशत बोनस सेयर वापतको १९ लाख ५० हजार कित्ता र स्वरोजगार लघुवित्तको १२.३९ प्रतिशत बोनस सेयर वापतको ४ लाख ५३ हजार ४२१.७७ कित्ता सेयर नेप्सेमा सूचीकृत भएको छ ।
यस्तै, समेबार सांग्रिला डेभलपमेन्ट बैंकको १३ लाख ३ हजार ३२०.२० कित्ता र मिर्मिरे लघुवित्तकोे ३ लाख ६४ हजार ४४८.३५ कित्ता बोनस सेयर नेप्सेमा सूचीकृत भएको छ ।
सांग्रिला बैंकले गत चैत २३ गते सम्पन्न वार्षिक साधारणसभाबाट पारित ५ प्रतिशत बोनस सेयर र मिर्मिरे लघुवित्तले चैत १८ गते सम्पन्न वार्षिक साधारणसभाबाट पारित भएको ९.१९९८ प्रतिशत बोनस सेयर नेप्सेमा सूचीकृत गराएको हो ।
वि.सं.२०७८ असार २१ सोमवार १३:२५ मा प्रकाशित
