काठमाडौं । राजस्व अनुसन्धान विभागले ९ करोड २७ लाख ३७ हजार ५६० रुपैयाँ राजस्व छल्ने तीन जना विरुद्ध मुद्दा दायर गरेको छ ।
विभागले चितवन रत्ननगर-८ स्थित शिवशक्ति खाद्य उद्योगका संचालक निदेश कुमार अग्रवालसहित तीनजना विरुद्ध उच्च अदालत पाटन ललितपुरमा मुद्दा दायर गरेको छ ।
विभागका अनुसार संचालकद्वय दिनेश अग्रवाल, सीमा अग्रवाल तथा थपलिया ट्रेड सप्लायर्सका संचालक रामप्रसाद थपलिया विरुद्ध मुद्दा दायर गरेको छ ।
तीनै जनाले बास्तविक खरिद तथा बिक्री नदेखाई मूल्य अभिवृद्धि कर, लाभांश कर र आयकरसमेतको राजस्व चुहावट गरेको पाइएपछि विभागले मुद्दा दायर गरेको जनाएको छ ।
वि.सं.२०७८ असार २३ बुधवार १७:३१ मा प्रकाशित
