काठमाडौं । हिमालय उर्जा विकास कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीको नाफा अघिल्लो वर्षको तुलनामा ९१.७२ प्रतिशतले कमी देखिएको छ । अघिल्लो वर्षको चौथो त्रैमासमा ४५ लाख ७८ हजार रुपैयाँ नाफा आर्जन गरेको कम्पनीले गत वर्ष भने ३ लाख ७९ हजार रुपैयाँ कमाएको छ ।
कम्पनीले सार्वजनिक गरेको वित्तीय विवरणमा विद्युत बिक्रीबाट हुने आम्दानी उल्लेख गरिएको छैन । कम्पनीको अन्य आम्दानी भने १३ लाख ८५ हजार रुपैयाँ देखिएको छ ।
कम्पनीको चुक्तापुँजी ९९ करोड रुपैयाँ रहेको छ । कम्पनीको जगेडा तथा कोष पनि ऋणात्मक देखिएको छ । अघिल्लो वर्ष ८२ लाख ४६ हजार ऋणात्मक रहेको कम्पनीको जगेडा तथा कोष गत वर्षमा भने ७१ लाख ७६ हजार रुपैयाँ ऋणात्मक देखिएको छ ।
कम्पनीको प्रतिसेयर आम्दानी ४ पैसा र प्रतिसेयर नेटवर्थ ९९ रुपैयाँ २८ पैसा रहेको छ ।
वि.सं.२०७८ साउन २७ बुधवार १२:२६ मा प्रकाशित