काठमाडौं । गत आर्थिक वर्षको वित्तीय अवस्था हेर्दा एभरेष्ट बैंकको नाफा भन्दा वितरणयोग्य नाफा बढी देखिएको छ ।
बैंकले प्रकाशित गरेको वित्तीय अवस्था हेर्दा नाफा २७.३४ प्रतिशतले घटेर १ अर्ब ८२ करोड ८२ लाख ७७ हजार रुपैयाँमा सिमित बनेको छ । अघिल्लो आवको सोही अवधिमा बैंकको नाफा २ अर्ब ५१ करोड ६२ लाख ४४ हजार रुपैयाँ रहेको थियो । बैंकको वितरणयोग्य नाफा ४१.३४ प्रतिशतले बढेर २ अर्ब ३६ करोड ४९ लाख ६५ हजार रुपैयाँ पुगेको छ । बैंकका लाभांश दिन सक्ने क्षमता २६.४७ प्रतिशत रहेको छ ।
बैंकका अनुसार गत आवमा खुद ब्याज आम्दानी र सञ्चालन मुनाफामा आएको गिरावटले नाफामा असर पारेको छ । गत आवमा बैंकको खुद ब्याज आम्दानी २५.४२ प्रतिशतले घटेर ३ अर्ब ९६ करोड २ लाख १ हजार रुपैयाँमा सिमित भएको छ ।
८ अर्ब ९३ करोड ३७ लाख १७ हजार रुपैयाँ चुक्ता पुँजी भएको बैंकको जगेडा कोषमा ९ अर्ब १४ करोड ८१ लाख ५३ हजार रुपैयाँ रहेको छ ।
१ खर्ब ६० अर्ब २२ करोड २ लाख ५७ हजार रुपैयाँ निक्षेप संकलन गरेको बैंकले १ खर्ब २७ अर्ब ६८ करोड १५ लाख २४ हजार रुपैयाँ कर्जा लगानी गरेको छ ।
यो अवधिमा बैंकको खराब कर्जा भने ०.२२ प्रतिशतबाट घटेर ०.१२ प्रतिशत रहेको छ । प्रतिसेयर आम्दानी २० रुपैयाँ ४६ पैसा रहेको बैंकको प्रतिसेयर नेटवर्थ २३२ रुपैयाँ ५८ पैसा रहेको छ ।
वि.सं.२०७८ साउन २९ शुक्रवार १०:१६ मा प्रकाशित