काठमाडौं । हिमालयन बैंकले गत आर्थिक वर्षमा २ अर्ब ९९ करोड ८० लाख रुपैयाँ नाफा आर्जन गरेको छ । जुन अघिल्लो आवको सोही अवधिको तुलनामा १५.८९ प्रतिशतले बढेको छ ।
अघिल्लो आवको सोही अवधिमा बैंकको नाफा २ अर्ब ५८ करोड ६७ लाख २२ हजार रुपैयाँ रहेको थियो । बैंकको वितरणयोग्य नाफा २ अर्ब १६ करोड ९८ लाख ८४ हजार रुपैयाँ रहेको छ ।
गत आवमा बैंकको खुद ब्याज आम्दानी २१.४३ प्रतिशतले घटेर ३ अर्ब ७८ करोड ८२ लाख ६ हजार रुपैयाँ रहेको छ । तर सञ्चालन मुनाफा भने २६.२७ प्रतिशतले बढेर ४ अर्ब ३० करोड ७७ लाख ५७ हजार रुपैयाँ पुगेको छ ।
१० अर्ब ६८ करोड ४४ लाख रुपैयाँ चुक्ता पुँजी रहेको बैंकको जगेडा कोषमा ६ अर्ब ५८ करोड ६४ लाख ७७ हजार रुपैयाँ रहेको छ । १ खर्ब ४१ अर्ब २ करोड १० लाख ७४ हजार रुपैयाँ निक्षेप संकलन गरेको बैंकले १ खर्ब २६ अर्ब २ करोड ९७ लाख ८१ हजार रुपैयाँ कर्जा लगानी गरेको छ ।
बैंकको खराब कर्जा १.०१ प्रतिशतले बाट घटेर ०.४८ प्रतिशत रहेको छ । प्रतिसेयर आम्दानी २८ रुपैयाँ ६ पैसा रहेको बैंकको प्रतिसेयर नेटवर्थ १८७ रुपैयाँ ९४ पैसा रहेको छ ।
वि.सं.२०७८ साउन २९ शुक्रवार १०:३९ मा प्रकाशित
