काठमाडौं । प्रभु लाइफ इन्स्योरेन्स कम्पनीले गत आर्थिक वर्ष २०७७/७८ को चैथो त्रैमासिक वित्तीय अवस्था सार्वजनिक गरेको छ ।
कम्पनीले गत वर्ष कम्पनीले १७ करोड ६ लाख ३१ हजार रुपैयाँ नाफा आर्जन गरेको छ । जुन अघिल्लो वर्षको सोही अवधिको तुलनामा २८३.४७ प्रतिशतले बढी हो । गत वर्ष कम्पनीले ४ करोड ४४ लाख ९६ हजार रुपैयाँ नाफा कमाएको थियो ।
उक्त अवधिमा कम्पनीको कुल बीमाशुल्क आर्जन रकम १ अर्ब ४५ करोड ६४ लाख १९ हजार रुपैयाँ रहेको छ । गत वर्ष कम्पनी ८ करोड ९८ लाख २१ हजार रुपैयाँ कुल दावी भुक्तानी गरेको छ भने भुक्तानी हुन बाँकी दावी रकम १ करोड २८ लाख रुपैयाँ रहेको छ ।
कम्पनीको चुक्तापुँजी २ अर्ब रुपैयाँ रहेको छ । जगेडा तथा कोष ३९ करोड ५५ लाख ७७ हजार रुपैयाँ, जीवन बीमा कोषमा १ अर्ब ९४ करोड ७ लाख ५६ हजार र महाविपत्ति जगेडामा २ करोड ९० लाख ५० हजार रुपैयाँ रहेको छ ।
कम्पनीको प्रतिसेयर आम्दानी ८ रुपैयाँ ५३ पैसा र प्रतिसेयर नेटवर्थ १२१ रुपैयाँ २३ पैसा रहेको छ ।
वि.सं.२०७८ साउन २९ शुक्रवार ११:४० मा प्रकाशित