काठमाडौं । तीन कम्पनीको सेयर मूल्यमा उछाल आएको छ । नारायणी डेभलपमेन्ट बैंक, जानकी फाइनान्स र खानीखोला हाइड्रोपावरको सेयर मूल्यमा सकरात्मक सर्किट लागेको हो ।
यो समाचार तयार गर्ने बेलासम्म तीनै वटा कम्पनीको सेयर मूल्य १० प्रतिशतले वृद्धि भएको हो । नारायणी डेभलपमेन्ट बैंकको प्रतिकित्ता १०३ रुपैयाँ ४० पैसाले वृद्धि भई १ हजार १३७ रुपैयाँ ४० पैसा पुगेको छ ।
यस्तै, खानीखोला हाइड्रोपावरको प्रतिकित्ता ३९ रुपैयाँ ३० पैसाले वृद्धि भई ४३२ रुपैयाँ ३० पैसा र जानकी फाइनान्सको प्रतिकित्ता ७४ रुपैयाँ ४० पैसाले वृद्धि भई ८१८ रुपैयाँ ४० पैसा पुगेको छ ।
वि.सं.२०७८ भदौ १३ आइतवार १३:३९ मा प्रकाशित