काठमाडौं । साताको पहिलो कारोबार दिन सेयर बजारमा भारी गिरावट आएको छ । आइतबार बजार ४९.१८ अंकले घटेको हो । बजार परिसुचक पनि ३०४४.८६ अंकको बिन्दुमा पुगेर बन्द भएको छ ।
उक्त दिन कारोबार रकम पनि घटेको छ । आज १५ अर्ब ६५ करोड १२ लाख ४४ हजार रुपैयाँ बराबरको सेयर कारोबार भएको छ ।उक्त दिन फाइनान्स बाहेक सबै समूह राताम्मे बनेका छन् । आज फाइनान्स २१.८८ अंकले वृद्धि भएको हो ।
आइतबार बैंकिङ् समूह ३०.०५ अंक, विकास बैंक ५३.१९ अंक, व्यापार ६२.१६, होटेल तथा पर्यटन ३१.७१, जलविद्युत ८९.२६, जीवन बीमा समूह ३०.४२, निर्जीवन बीमा २५३.०७, माइक्रोफाइनान्स ११५.२, उत्पादक तथा प्रशोधन ३८.४८, लगानी १.९३ र म्युचुअल फण्ड ०.०६ अंकले घटेको छ ।
उक्त दिन अरुण भ्याली हाइड्रोपावर कम्पनीको सर्वाधिक सेयर कारोबार भएको छ । आज कम्पनीको १ अर्ब ३१ करोड ८३ लाख ४४ हजार रुपैयाँ बराबरको कारोबार भएको हो ।
कारोबारकै आधारमा दोस्रो स्थानमा रहेको अरुण कावेली पावरको ८७ करोड ९ लाख २४ हजार रुपैयाँ बराबरको सेयर खरिदबिक्री भएको छ ।
यस्तै, जीवन विकास लघुवित्त वित्तीय संस्थाको ७४ करोड ९२ लाख ४६ हजार रुपैयाँ बराबरको कारोबार भएको छ ।
वि.सं.२०७८ भदौ १३ आइतवार १५:०९ मा प्रकाशित
