काठमाडौं । एनआईसी एशिया बैंकले संस्थापक समूहको सेयर बिक्री गर्ने भएको छ ।
बैंकको आफ्नो स्वामित्वमा रहेको सिटिजन इन्भेष्टमेन्ट ट्रष्टको संस्थापक समूहको ३ लाख ८१ हजार ९०२ कित्ता सेयर बिक्री गर्न लागेको हो ।
उक्त सेयरको न्युनतम मूल्य प्रतिकित्ता १ हजार २९४ रुपैयाँ तोकिएको छ । उक्त सेयर खरिदका गर्न प्रचलित कानून बमोजिम योग्य लगानीकर्ताहरुले भदौ ३१ गतेभित्र गोप्य शिलबन्दी बोलपत्र आवेदन पेश गर्नुपर्नेछ ।
सेयर खरिदका लागि न्युनतम १०० कित्ता वा सो भन्दा माथि १० ले माग जानेगरि अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
बोलपत्र आवेदन फाराम पाइने बुझाउनका लागि भने एनआईसी एशिया क्यापिटल, बैंकको कर्पोरेट कार्यालय, बैंकको शाखा कार्यालयहरुमा सम्पर्क गर्न सकिने छ ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ भदौ २१ सोमवार ११:१७ मा प्रकाशित
