काठमाण्डौं । विश्व बैंकले एक अध्ययन सार्वजनिक गर्दै देशमा आफ्नै खुट्टामा उभिएका अधिकांश व्यक्तिहरु खुशी नभएको बताएकोछ । सो अध्ययन अनुसार करिब ०.२५ प्रतिशत नेपाली मात्र स्वदेशमा पाएको रोजगारीप्रति खुसी छन् । यो आँकडा देशको कुल जनसंख्याबाट लिइएको हो जसमा रोजगार पाएका र बेरोजगार समेत समेटिएका छन् ।
नेपालको जनसंख्या २ करोड ८५ लाख रहेको केन्द्रीय तथ्यांक विभागको तथ्यांक छ। अध्ययन अनुसार ७१ हजार २ सय ५० जना नेपाली मात्र रोजगारीबाट सन्तुष्ट छन्।
पछिल्लो १५ वर्षमा नेपाली मध्यमवर्गीय जनसंख्या ३ गुनाले बढे पनि उनीहरू आर्थिक रूपले धरापमा नै रहेको विश्व बैंकको प्रतिवेदनले जनाएको छ। प्रतिवेदनले पूर्णतया जागिरमा आधारित मध्यम वर्गको आम्दानी दिगो नहुँदा उनीहरू फेरि गरिबीकै रेखामुनि झर्न सक्ने जोखिम औंल्याएको छ।
वैदेशिक रोजगार विभागको तथ्यांकअनुसार चालू आर्थिक वर्षको दस महिना अर्थात् साउनदेखि वैशाख मसान्तसम्म ३ लाख ४८ हजार ६ सय २८ नेपाली विभिन्न मुलुक गइसकेका छन्।
२६ असार २०७३, १०।००
वि.सं.२०७३ असार २६ आइतवार १२:५० मा प्रकाशित
