काठमाडौ । साताको पहिलो दिन आइतबार नेप्से ४.४७ अंकले बढेर १६६५.०५ अंकमा पुगेको छ । बैंकिङ, उत्पादनमूलक र अन्य समूहले आइतबारको बजार बढाएका छन् ।
दिनभरिमा १५९ वटा कम्पनीको ३३ लाख १८ हजार ११२ कित्ता सेयर १० हजार ४ सय ४७ पटक खरिदविक्री हुँदा एक अर्ब २ करोड ७४ लाख रुपैयाँ भन्दा बढीको कारोबार भएको छ ।
यसदिन नेशनल हाइड्रोको आठ करोड ४४ लाख रुपैयाँको कारोबार भएको छ भने प्राइम बैंकको छ करोड ३१ लाखको कारोबार भएको छ । नेशनल माइक्रोफाइनान्सको चार करोड, नेपाल लाइफको झन्डै चार करोड तथा स्टान्डर्ड चार्टर्ड र नविल बैंकको तीन करोडमाथिको कारोबार भएको छ ।
गण्डकी विकास बैंक, नविल बैंक प्रमोटर सेयर,मुक्तिनाथ विकास बैंक, नागरिक लगानी कोष लगायतको दुई करोडमाथिको कारोबार भएको छ ।
ललितपूर फाइनान्स, वल्र्ड मर्चेन्ट बैंकिङ, मल्टिपर्पोज फाइनान्स, नेशनल हाइड्रो र श्री इन्भेष्टमेन्ट फाइनान्सका सेयरधनीले क्रमशः ९.६३, ९.०४, ८.७०, ७.६४ र ५.७२ प्रतिशतका दरले कमाएका छन् ।
प्रकाशित मितिः २०७४ साउन २२
वि.सं.२०७४ साउन २२ आइतवार १८:२२ मा प्रकाशित
