काठमाडौं । शिव श्री हाइड्रोपावरले ३३ करोड ५१ लाख १४ हजार रुपैयाँ बराबरको आइपीओ बिक्री गर्ने अनुमति पाएको छ ।
कम्पनीले यसअघि आयोजना प्रभावित स्थानीयले नकिनेको ११ लाख ३६ हजार ५४० कित्ता र सर्वसाधारणलाई छुट्याइएको २२ लाख १४ हजार ६ सय कित्ता गरी कुल ३३ लाख ५१ हजार १४० कित्ता आइपीओ बिक्री गर्न नेपाल धितोपत्र बोर्डले अनुमति दिएको हो ।
चालु आर्थिक वर्षमा शिव श्रीले पहिलो आइपीओ बिक्री गर्न अनुमति पाएको हो । कम्पनीले यसअघि स्थानीयलाई १४ लाख ७६ हजार ४०० कित्ता आइपीओ निष्कासन गरेकोमा ३ लाख ३९ हजार ८३० कित्ता सेयर मात्र बिक्री भएकोे थियो ।
शिव श्रीको आइपीओमा सिद्धार्थ क्यापिटले प्रबन्धकको काम गर्नेछ । क्रेडिट रेटिङ कम्पनी केयर रेटिङ नेपालले यो आइपीओलाई ‘ग्रेड ४’ रेटिङ दिएको छ ।
शिव श्रीले सिन्धुपाल्चोक जिल्लामा २२.२ मेगावटको उपर चाकु “ए” जालविद्युत आयोजना निर्माण गरिरहेको छ । यसको केन्द्रीय कार्यालय बुद्धनगर, काठमाडौंमा रहेको छ ।
२०७६ असोज ०७ गते प्रकाशित
वि.सं.२०७६ असोज ७ मंगलवार १७:०६ मा प्रकाशित