२०७६ मंसिर २६ गते प्रकाशित
काठमाडौं । गत सातादेखि सुधारको क्रममा रहेको पूँजी बजार मापक नेप्से यो साताको अन्तिम कारोबार दिन आज (बिहीबार) पनि ११.७६ अंकले बढेको छ ।
आज निर्जीवन बिमा कम्पनी समूहको सूचक सबैभन्दा बढी ३ सय ३२.०४ अंकले बढेको छ। साथै, जीवन बिमा कम्पनी समूहको सूचक पनि २ सय ७८.६९ अंकले उकालो लाग्न पुग्यो ।
नेप्से बढेर ११७२.६४ अंकमा पुगेको छ। उक्त दिन कुल १२ समूहमध्ये ७ समूहको सूचक बढेको छ भने ५ समूहको सूचक घटेको छ। टेड्रिङ समूह, उत्पादन तथा प्रशोधन समूह, माइक्रोफाइनान्स समूह, होटल समूह र अन्य समूहको सूचक ओरालो लाग्न पुग्यो।
उक्त दिन अघिल्लो दिन भन्दा बढी रकमको सेयर कारोबार भएको छ। आज ७६ करोड ४० लाख २५ हजार रुपैयाँ बराबरको सेयर कारोबार भएको छ।
उक्त दिन स्वलम्बन लघुवित्त संस्था संस्थापक सेयर सबैभन्दा बढी ८ करोड २८ लाख रुपैयाँ बराबरको सेयर कारोबार भएको छ ।
दोस्रो बढी रकमको कारोबार डिप्रोक्स लघुवित्त वित्तीय संस्थाको सेयर भएको छ। उक्त संस्थाको ४ करोड १० लाख रुपैयाँ बराबरको कारोबार भएको छ ।
तेस्रो बढी कारोबार हुनेमा एनएमबी बैंकको सेयर रहेको छ। उक्त बैंकको ३ करोड ७६ लाख रुपैयाँ बराबरको सेयर कारोबार भएको छ ।
वि.सं.२०७६ मंसिर २६ बिहीवार १५:२४ मा प्रकाशित
