काठमाडौं । हिमालयन जनरल इन्स्योरेन्सले १०.५ प्रतिशत लाभांश दिने भएको छ। उक्त इन्स्योरेन्स कम्पनीको मङ्गलबार बसेको सञ्चालक समिति बैठकले ५ प्रतिशत बोनस सेयर र ५.५ प्रतिशत नगद (कर प्रयोजनका लागिसमेत) दिने प्रस्ताव गरेको हो ।
कम्पनीले गत आर्थिक वर्षको नाफाबाट यस्तो लाभांश दिने निर्णय गरेको हो । लाभांशको प्रस्ताव बिमा समितिले स्वीकृत र आगामी वार्षिक साधारणसभाले पारित गरेपछि सेयरधनीलाई वितरण गरिने भएको छ ।
२०७६ पुस १६ गते प्रकाशित
वि.सं.२०७६ पुस १६ बुधवार ११:१३ मा प्रकाशित