काठमाडौं । आज (फागुन २५ गते) सुनको मूल्य ओरालो लागेको छ । आज छापावाला सुनको मूल्य तोलामा ६ सय रुपैयाँले घटेको छ ।
नेपाली बजारमा आज छापावाला सुनको भाउ तोलाको ८५ हजार ६ सय रुपैयाँमा कायम गरिएको नेपाल सुनचाँदी व्यवसायी महासंघले जनाएको छ । अघिल्लो ८६ हजार २ सय रुपैयाँमा कारोबार भएको थियो । आज तेजावी सुनको मूल्य ८५ हजार १५० रुपैयाँ तोकिएको छ ।
त्यस्तै, आज चाँदीको मूल्यमा पनि गिरावट आएको छ । आज प्रतितोला १० रुपैयाँले घटेर तोलामा १२ सय ५५ रुपैयाँ कायम गरिएको महासंघले जनाएको छ । अघिल्लो कारोबार दिन १२ सय ६५ रुपैयाँमा खरिदविक्री भएको थियो ।
वि.सं.२०७७ फागुन २५ मंगलवार १०:५८ मा प्रकाशित
