काठमाडौं । बीमा सिमितिले हिमालयन रि–इन्स्योरेन्स कम्पनीलाई लाइसेन्स दिएको छ । बीमा समिति स्राेतका अनुसार पुनर्बीमा कम्पनीका लागि आवेदन दिएका ५ वटा कम्पनीमा हिमालयन रि–इन्स्योरेन्सले लाइसेन्स पाएको हो ।
बीमा समितले एउटा मात्रै कम्पनीलाई लाइसेन्स दिन भन्दै आवेदन माग गरेकोमा ५ वटा कम्पनीले आवेदन दिएका थिए । लाइसेन्सका लागि हिमालयनका साथै अन्नपूर्ण रि, काठमाडौं रि, प्रुडेन्सियल रि, जेन्युन रिले आवेदन दिएका थिए ।
हिमालय रिमा नेपाल उद्योग वाणिज्य महासंघका अध्यक्ष शेखर गोल्छा, महासंघका पूर्वअध्यक्ष पशुपति मुरारका, निर्वतमान अध्यक्ष भवानी राणा तथा नेपाल उद्योग परिसंघका अध्यक्ष सतिश मोर, विकास दुगड, एमभि दुगड ग्रुपका विवेक दुगड लगायतको लगानी रहेको छ । २० अर्ब अधिकृत पुँजी रहेको कम्पनीको चुक्ता पुँजी १० अर्बको हुनेछ । अहिले नेपाल पुनर्बीमा कम्पनी रहेको छ । अब यो सहित २ वटा हुने भएका छन् ।
वि.सं.२०७८ जेठ १७ सोमवार १३:५७ मा प्रकाशित