काठमाडौ । नेपाल राष्ट्र बैंकले तयार पारेको तथ्याङक अनुसार लुम्बिनी प्रदेशमा आर्थिक वर्ष २०७७-०७८ को अर्ध बार्षिक प्रतिवेदन अनुसार पर्यटक आगमन संख्या ८४.०७ प्रतिशतले घटेको छ । राष्ट्र बैंकका अनुसार यो अवधिमा पर्यटकस्तरीय होटल तथा लजको संख्या १५.२७ प्रतिशतले बढेको छ ।
अध्यागमन कार्यालय, बेलहियाका अनुसार यो अवधिमा पर्यटकको आगमन संख्या अघिल्लो आवको सोही अवधिको तुलनामा ८४.०७ प्रतिशतले आएको छ । अघिल्लो आवको सोही अवधिमा ७९ हजार २ सय जना पर्यटक आएका थिए । गत आवको पुस मसान्तसम्म १२ हजार ६ सय १५ जना पर्यटक आएका छन् ।
पर्यटक आगमन कम भएपनि होटल तथा रेष्टुरेण्ट भने निकै बढेको छ । होटल तथा रेष्टुरेण्ट ब्यवसायी संघ लुम्बिनी प्रदेशका अनुसार गत पुस मसान्तसम्म पर्यटक स्तरिय होटलको संख्या १५.२७ प्रतिशतले वृद्धि भई १५१ पुगेको छ ।
होटल शैया संख्या १४.४६ प्रतिशतले वृद्धि भई १२ हजार १ सय ९० पुगेको छ । त्यसैगरी होटलहरुले प्रदान गरेको प्रत्यक्ष रोजगारीको संख्या समेत ११.०१ प्रतिशत वृद्धि भई ७ हजार ९ सय ८५ पुगेको छ । केही होटलहरु निर्माणको क्रममा रहेकोले संचालनमा आए पश्चात प्रत्यक्ष रोजागरीको संख्या बढ्ने राष्ट्र बैंकको अध्ययनले देखाएको छ ।
वि.सं.२०७८ असोज ५ मंगलवार १४:४३ मा प्रकाशित
