काठमाडौं । रुरु जलविद्युत परियोजनाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको असोज मसान्तसम्म ३ करोड ३३ लाख ३५ हजार रुपैयाँ नाफा कमाएको छ ।
जुन गत वर्षको सोही अवधिको तुलनामा ४.७३ प्रतिशतले बढी हो । गत वर्षको उक्त अवधिमा कम्पनीले ३ करोड १८ लाख २९ हजार रुपैयाँ नाफा गरेको थियो ।
कम्पनीको चुक्ता पुँजी ४४ करोड ८४ लाख ७६ हजार रुपैयाँ रहेको । कम्पनीले जगेडा तथा कोषमा ७ करोड ९३ लाख ५५ हजार रुपैयाँ राखेको छ ।
कम्पनीको विद्युत बिक्री आम्दानी भने ऋणात्मक देखिएको छ । उक्त अवधिमा कम्पनीको विद्युत विक्री आम्दानी ९९ लाख १८ हजार रुपैयाँ ऋणात्मक रहेको छ ।
उक्त अवधिमा कम्पनीको प्रतिसेयर आम्दानी २९ रुपैयाँ ७३ पैसा र प्रतिसेयर नेटवर्थ ११७ रुपैयाँ २७ पैसा रहेको छ ।
वि.सं.२०७८ कात्तिक २६ शुक्रवार ११:२४ मा प्रकाशित