काठमाडौं । मंगलबार सेयर बजारमा सामान्य गिरावट आएको छ । उक्त दिन बजार २.६६ अंकले घटेको हो ।
साताको तेस्रो कारोबार दिन बजार परिसुचक १५१८.९९ अंकको बिन्दुमा पुगेर बन्द भएको छ । उक्त दिन कारोबार रकम पनि गिरावट देखिएको छ ।
सोमबार साढे ५ अर्ब बढीको कारोबार भएकोमा आज भने ३ अर्ब १२ करोड ५५लाख ७५ हजार रुपैयाँ बराबरको सेयर खरिदबिक्री भएको छ ।
उक्त दिन सवैभन्दा बढी हिमालयन डिष्टीलरीको सेयर कारोबार भएको छ । आज कम्पनीको २६ करोड ३९ लाख ४३ हजार रुपैयाँ बराबरको सेयर कारोबार भएको हो ।
नेपाल स्टक एक्सचेञ्ज(नेप्से)का अनुसार आज कम्पनीको ३८ हजार ३४० कित्ता सयर खरिदबिक्री भएको छ । कम्पनीको सेयर मूल्य भने प्रतिकित्ता ६ हजार ९१८ रुपैयाँ कायम भएको छ ।
उक्त दिन सर्वाधिक कारोबार हुनेको दोस्रो स्थानमा नबिल बैंक रहेको छ । आज बैंकको २५ करोड ३७ लाख ३७ हजार रुपैयाँ बराबरको सेयर खरिदबिक्री भएको हो ।
नेप्सेका अनुसार बैंकको आज १ लाख ७० हजार २६९ कित्ता सेयर किनबेच भएको हो । बैंकको सेयर मूल्य प्रतिकित्ता १ हजार ४८० रुपैयाँ कायम भएको छ।
यस्तै, उक्त दिन नेपाल पुनर्बीमा कम्पनीको १२ करोड ८४ लाख ९१ हजार रुपैयाँ बराबरको सेयर किनबेच भएको छ ।
आज कम्पनीको ९९ हजार ७४३ कित्ता सेयर कारोबार भएको हो । कम्पनीको सेयर मूल्य भने १ हजार २८७ रुपैयाँ कायम भएको नेप्सेले जनाएको छ ।
त्यसैगरि आज मञ्जुश्री फाइनान्सको पनि १२ करोड ४५ लाख ६२ हजार रुपैयाँ बराबरको सेयर कारोबार भएको छ ।
नेप्सेका अनुसार आज कम्पनीको १ लाख ३१ हजार ७७४ कित्ता सेयर किनबेच भएको हो । कम्पनीको सेयर मूल्य भने प्रतिकित्ता ९४४ रुपैयाँ कायम भएको छ ।
वि.सं.२०७८ पुस १३ मंगलवार १५:५४ मा प्रकाशित