काठमाडौं । बोतलर्स नेपाल(तराई)ले चालु आर्थिक वर्ष २०७८/७९ को दोस्रो त्रैमासिक वित्तीय विवरण सार्वजनिक गरेको छ ।
बिहीवार कम्पनी सार्वजनिक गरेको विवरण अनुसार उक्त अवधिमा ३० करोड २२ लाख ३५ हजार रुपैयाँ नाफा गरेको छ ।
जुन गत वर्षको पुस मसान्तसम्मको तुलनमा १२६७.८८ प्रतिशत अर्थात १३ गुणा बढी हो । गत वर्षको सोही अवधिमा कम्पनीको नाफा २ करोड २० लाख ९५ हजार रुपैयाँ मात्र रहेको थियो ।
कम्पनीको सञ्चालन आम्दानीमा वृद्धि भएपछि नाफा बढेको हो । चालु आवको ६ महिनाको कम्पनीको संचालन आम्दानी ३ अर्ब ४५ करोड ४९ लाख ३३ हजार रुपैयाँ रहेको छ । यो आम्दानी गत वर्षको सोही अवधिमा भने २ अर्ब ५५ लाख २४ लाख ६१ हजार रुपैयाँ रहेको थियो ।
कम्पनीको चुक्तापूँजी १२ करोड १० लाख रुपैयाँ रहेको छ । कम्पनीले जगेडा तथा कोषमा भने २ अर्ब ८८ करोड ६९ लाख ४७ हजार रुपैयाँ राखेको छ ।
कम्पनीको प्रतिसेयर आम्दानी २५० रुपैयाँ रहेको छ । गत वर्षको पुस मसान्तसम्मको तुलनामा भने यो आम्दानी वृद्धि भएको हो । गत वर्षको सोही अवधिमा कम्पनीको यो आम्दानी १८ रुपैयाँ रहेको थियो । कम्पनीको प्रतिसेयर नेटवर्थ भने २ हजार ४८६ रुपैयाँ रहेको छ ।
वि.सं.२०७८ माघ २७ बिहीवार १४:०६ मा प्रकाशित
