काठमाडौं । सुनको मूल्य फेरि एक लाख रुपैयाँ नाघेको छ । आइतबार छापावाला सुनको मूल्य १ लाख ३ सय रुपैयाँ कायम भएको हो ।
नेपाल सुनचाँदी व्यवसायी महासंघका अनुसार अघिल्लो दिन अर्थात शुक्रबार ९९ हजार ५ सय रुपैयाँमा कारोबार भएको सुन आज ८ सय रुपैयाँले वृद्धि भएको हो ।
महासंघका अनुसार आजका लागि तेजावी सुनको मूल्य भने ९९ हजार ८ सय रुपैयाँ तोकिएको छ । तेजावी सुन शुक्रबार भने ९९ हजार रुपैयाँमा कारोबार भएको थियो ।
यस्तै, साताको पहिलो कारोबार दिन चाँदीको मूल्य पनि वृद्धि भएको छ । आज चाँदी तोलामा १० रुपैयाँले वृद्धि भई १ हजार ३६५ रुपैयाँ पुगेको छ । शुक्रबार भने १ हजार ३५५ रुपैयाँमा खरिदबिक्री भएको थियो ।
वि.सं.२०७८ चैत २७ आइतवार १०:५५ मा प्रकाशित
