काठमाडौं । बुधवार चार कम्पनीको सेयर मूल्यमा उछाल आएको छ । उक्त दिन चार कम्पनीहरुको सेयर मूल्य उच्च दरमा वृद्धि भएको हो ।
साताको चौंथो कारोबार दिन सामलिङ्ग पावरको सेयर मूल्य ९.९९ प्रतिशत अर्थात प्रतिकित्ता ५५ रुपैयाँ ९० पैसाले वृद्धि भएको हो । योसंगै कम्पनीको सेयर मूल्य ६१५ रुपैयाँ ७० पैसा कायम भएको छ ।
उक्त दिन बलेफी हाइड्रोपावर कम्पनीको सेयर मूल्य पनि ९.९७ प्रतिशतले वृद्धि भएको छ । कम्पनीको सेयर मूल्य प्रतिकित्ता २९ रुपैयाँ ९० पैसाले बढेर ३२९ रुपैयाँ ७० पैसा पुगेको छ।
यस्तै, आज युनाईटेड इदी मर्दी आरवि हाइड्रोपावरको सेयर मूल्य पनि ८.९६ प्रतिशत अर्थात प्रतिकित्ता ६९ रुपैयाँ ९० पैसाले वृद्धि भएको हो । योसंगै कम्पनीको सेयर मूल्य ८४९ रुपैयाँ ९० पैसाले पुगेको छ ।
त्यसैगरि आज समृद्धि फाइनान्स कम्पनीको सेयर मूल्य पनि उच्च दरमा वृद्धि भएको छ । आज कम्पनीको सेयर मूल्य ८.७६ प्रतिशत अर्थात प्रतिकित्ता २६ रुपैयाँ ५० पैसाले वद्धि भएको हो । योसंगै कम्पनीको सेयर मूल्य ३२९ रुपैयाँ कायम भएको छ ।
वि.सं.२०७९ साउन १८ बुधवार १५:३७ मा प्रकाशित
