काठमाडौं । बुधबार थप दुई कम्पनीहरुले लाभांश घोषणा गरेका छन् । उक्त दिन सिद्धार्थ बैंक र चिलिमे जलविद्युत कम्पनीले लाभांश घोषणा गरेको हुन् ।
सिद्धार्थ बैंक
सिद्धार्थ बैंक लिमिटेडले गत आर्थिक वर्षको वितरणयोग्य मुनाफाबाट शेयरधनीहरुलाई वितरण गर्ने लाभांश घोषणा गरेको हो । मंसिर २० गते बसेको बैंकको सञ्चालक समितिको बैठकलेलाभांश वितरण गर्ने निर्णय गरेको हो।
बैंकले हाल कायम चुक्ता पूँजीको १३.१६ प्रतिशत लाभांश वितरण गर्ने घोषणा गरेको हो। सोमध्ये १२.५० प्रतिशत बोनस शेयर रहेको छ भने सोको कर प्रयोजनार्थ ०.६६ प्रतिशत नगद लाभांश रहेको छ।
नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सो लाभांश वितरण गरिनेछ।
चिलिमे जलविद्युत कम्पनी
चिलिमे जलविद्युत कम्पनी लिमिटेड कम्पनीले गत आर्थिक वर्षको मुनाफबाट शेयरधनीहरुलाई हाल कायम चुक्ता पूँजीको १५ प्रतिशत लाभांश वितरण गर्ने घोषणा गरेको हो। जसमध्ये ७.५ प्रतिशत बोनस शेयर रहेको छ भने ७.५ प्रतिशत नगद लाभांश रहेको छ।
मंसिर २० गते बसेको कम्पनीको सञ्चालक समितिको बैठकले लाभांश वितरण गर्ने निर्णय गरेको हो।
सो लाभांश प्रस्ताव पारित गर्न कम्पनीले पुस २२ गते २६ औं वार्षिक साधारण सभा बोलाएको छ। साधारण सभा तथा लाभांश वितरण प्रयोजनार्थ कम्पनीले पुस ३ गते बुकक्लोज गर्ने भएको छ।
वि.सं.२०७९ मंसिर २१ बुधवार २१:१६ मा प्रकाशित
