काठमाडौं । कुमारी बैंकको ८६ हजार बढी कित्ता सेयर बिक्रीमा राखिएको छ।
कुमारी बैंकले संस्थापक सेयरधनी शौरभकृष्ण मल्लको ७१ हजार २६५ कित्ता र सञ्जीवभक्त श्रेष्ठको १५ हजार ६८ कित्ता गरी कुल ८६ हजार ३३३ कित्ता संस्थापक सेयर बिक्रीमा राखेको हो । यसमा विद्यमान संस्थापक सेयरधनीहरुले मात्रै खरिद आवेदन दिन पाउनेछन्।
इच्छुक संस्थापक सेयरधनीहरुले यो सूचना प्रकाशित भएको ३५ दिनभित्र काठमाडौंको नक्सालस्थित कुमारी क्यापिटलस्थित कार्यालय वा काठमाडौंको टंगालस्थित कुमारी बैंकको प्रधान कार्यालयमा सेयर खरिदका लागि निवेदन दिनुपर्नेछ।
तोकिएको मितिभित्र संस्थापक सेयरधनीहरुबाट निवेदन प्राप्त नभएमा अन्य व्यक्ति तथा संस्थालाई सेयर बिक्री प्रक्रिया अगाडि बढाइने बैंकले जनाएको छ।
वि.सं.२०७९ चैत २ बिहीवार ११:१२ मा प्रकाशित
