काठमाडौं । आरएसडीसी लघुवित्तले चालु आर्थिक वर्षको दोस्रो त्रैमासको अपरिष्कृत वित्तीय विवरण प्रकाशित गरेको छ।
चालु आर्थिक वर्षको पुस मसान्तसम्ममा लघुवित्तले ६ करोड ९३ लाख रुपैयाँ खुद नाफा कमाएको छ। गत आर्थिक वर्षका यसै अवधिमा ७ करोड ९४ लाख रुपैयाँ खुद नाफा कमाएको लघुवित्तको नाफा १२.७३ प्रतिशतले घटेको हो।
लघुवित्तको खुद ब्याज आम्दानी र सञ्चालन नाफा घटेको छ भने खराब कर्जा बढेको छ। यसले गर्दा कम्पनीको नाफा प्रभावित भएको हो।
यस अवधिमा लघुवित्तको खुद ब्याज आम्दानी १४ करोड ७५ लाख रुपैयाँबाट घटेर १२ करोड २० लाख ११ हजार रुपैयाँमा झरेको छ। जुन १७.३२ प्रतिशतले कम हो। सञ्चालन नाफा पनि १२.७३ प्रतिशतले घटेर ९ करोड ९० लाख ६ हजार रुपैयाँमा झरेको छ।
लघुवित्तको खराब कर्जा ०.८१ प्रतिशतबाट बढेर १.८२ प्रतिशत पुगेको छ । लघुवित्तको प्रतिसेयर आम्दानी १९ रुपैयाँ ७३ पैसाबाट घटेर १५ रुपैयाँ ९४ पैसामा झरेको छ भने प्रतिसेयर नेटवर्थ १३१ रुपैयाँ ०१ पैसा छ ।
हाल लघुवित्तको चुक्ता पुँजी ८६ करोड ९५ लाख ६८ हजार रुपैयाँ छ भने जगेडा कोषमा १२ करोड १० लाख रुपैयाँ छ।
वि.सं.२०८० माघ ४ बिहीवार १०:०५ मा प्रकाशित
