काठमाडौं । सगरमाथा फाइनान्सले लगानीकर्तालाई १५ दशमलव ८५५ प्रतिशतका दरले बानेस सेयर दिने भएको छ । फाइनान्सको शुक्रबार सम्पन्न १० औं वार्षिक साधारण सभाले गत आर्थिक वर्षको नाफाबाट बोनस सेयर दिने प्रस्ताव पारित गरेको हो ।
त्यस्तै सभाले १० बराबर ८ (१०ः८)को अनुपातमा हकप्रद पनि निष्काशन गर्ने निर्णय गरेको छ । फाइनान्सले बोनस सेयर वितरण गरेपछि हुने चुक्ता पुँजीको १०ः८ का दरले हकप्रद दिन लागिएको जानकारी दिएको छ ।
त्यस्तै सर्वसाधारण शेयरधनीहरुको तर्फबाट दिनेश राई र माओ राई किरातलाई आगामी ४ बर्षको लागि संचालकमा निर्वाचित गरेको हो । संचालक समितिको शुक्रबारै बसेको बैठकले मदन कुमार राईलाई अध्यक्षमा चयन समेत गरेको छ ।
ललितपुरको मानभवनमा प्रधान कार्यालय रहेको यस संस्थाले गाःवहाल, बिर्तामोड, दमक, इटहरी, धरान, विराटनगर, सोलु सल्लेरी, भोजपुर वजार, दिक्तेल र ओखलढुङ्गा वजारमा गरी १० वटा शाखा संचालनमा ल्याएको छ ।
प्रकाशितः २०७३ असार ४
वि.सं.२०७३ असार ४ शनिवार १३:५७ मा प्रकाशित
