काठमाडौं । संचालनमा रहेका २० वटा निर्जीवन बीमा कम्पनीहरुले चालु आर्थिक वर्ष २०७८/७९ को फागुन मसान्तसम्ममा २५ अर्ब बढी बीमाशुल्क आर्जन गरेका छन् ।
बीमा समितिले हालै सार्वजनिक गरेको तथ्याङ्क अनुसार उक्त अवधिमा निर्जीबन बीमा कम्पनीहरुले २५ अर्ब २९ करोड ९९ लाख ६० हजार रुपैयाँ बीमाशुल्क आर्जन गरेका हुन् ।
समितिको तथ्याङ्क अनुसार फागुन महिनमासम्ममा मात्रै २० निर्जीवन बीमा कम्पनीहरुले ३ अर्ब ४७ करोड ५६ लाख १० हजार रुपैयाँ बीमाशुल्क आर्जन गरेका छन् ।
उक्त अवधिमा सबैभन्दा बढी बीमा शुल्क शिखर इन्स्योरेन्स कम्पनीले गरेको छ । चालु आवको फागुन मसान्तसम्मा कम्पनीले ३ अर्ब १० करोड २९ लाख १३ हजार रुपैयाँ शुल्क आर्जन गरेको हो । फागुन महिनामा मात्रै कम्पनीले ३३ करोड ७४ लाख २३ हजार रुपैयाँ बीमाशुल्क आर्जन गरेको छ ।
समितिको तथ्याङ्क अनुसार सबैभन्दा बढी बीमाशुल्क आर्जन गर्नेको दोस्रो स्थानमा सगरमाथा इन्स्योरेन्स कम्पनी रहेको छ । उक्त अवधिमा कम्पनीले २ अर्ब २२ करोड ३३ लाख ६७ हजार रुपैयाँ शुल्क आर्जन गरेको छ ।
चालु आवको आठ महिनको अवधिमा सबैभन्दा कम बीमाशुल्क जनरल इन्स्योरेन्स कम्पनीको रहेको छ । कम्पनीले ६१ करोड १८ लाख ९ हजार रुपैयाँ मात्र बीमाशुल्क आर्जन गरेको छ ।
उक्त अवधिमा नेको इन्स्योरेन्स कम्पनीले १ अर्ब ९९करोड ८५ लाख ९७ हजार, सिद्धार्थ इन्स्योरेन्सले १ अर्ब ७३ करोड ८५ लाख ७० हजार, एनएलजी इन्स्योरेन्स १ अर्ब ५७ करोड ६२ लाख ८७ हजार, प्रिमियर इन्स्योरेन्सको १ अर्ब ४४ करोड ८४ लाख ३२ हजार, राष्ट्रिय बीमा कम्पनीको १ अर्ब २९ करोड १६ लाख ३६ हजार रुपैयाँ बीमाशुल्क आर्जन गरेको छ ।
यस्तै, फागुन मसान्तसम्ममा युनाईटेड इन्स्योरेन्सको १ अर्ब १० करोड ७२ लाख ५१ हजार, हिमालयन जनरलको १ अर्ब १० करोड ८ हजार, आइएमई जनरल १ अर्ब १० करोड ४ लाख ६१ हजार, अजोड इन्स्योरेन्सको १ अर्ब ६ करोड ८६ लाख ४९ हजार, नेपाल इन्स्योरेन्स १ अर्ब ५ करोड २४ लाख ६५ हजार, लुम्बिनी जनरलको १ अर्ब ३ करोड २३ लाख १५ हजार, प्रभु इन्स्योरेन्सको १ अर्ब ४१ लाख ९३ हजार रुपैयाँ बीमाशुल्क आर्जन गरेका छन् ।
त्यसैगरि चालु आवको फागुन मसान्तसम्ममा दि–ओरिएन्टल इन्स्योरेन्सले ९२ करोड १२ लाख ८२ हजार, प्रुडेन्सियल इन्स्योरेन्सले ८८ करोड ४७ लाख २ हजार, एभरेष्ट इन्स्योरेन्सको ८१ करोड ९७ लाख १३ हजार, सानिमा जनरलको ६३ करोड ७१ लाख १३ हजार, नेशनल इन्स्योरेन्सको ५७ करोड ९२ लाख ९९ हजार रुपैयाँ बीमाशुल्क आर्जन गरेको छ।
वि.सं.२०७८ चैत २१ सोमवार १२:०६ मा प्रकाशित
