काठमाडौं । भोलि अर्थात साउन १२ गते मन्दाकिनी हाइड्रोपावर कम्पनीको आईपीओमा आवेदन दिन अन्तिम मिति रहेको छ ।
कम्पनीले साउन ९ गतेदेखि सर्वसाधारणका लागि निष्काशन गरेको आईपीओमा भोलि बैंकिङ्ग समयसम्म आवेदन दिन सकिनेछ ।
कम्पनीले प्रतिकित्ता १०० रुपैयाँ अंकित दरका ११ लाख ७६ हजार ७३ कित्ता आईपीओ निष्काशन तथा बिक्री खुला गरेको हो ।
कुल सेयरमध्ये २३ हजार ५२१ कित्ता कर्मचारीहरुका लागि र ५८ हजार ८०३ कित्ता सामूहिक लगानी कोषको लागि सुरक्षित गरिएको छ भने बाँकी रहेको १० लाख ९३ हजार ७४८ कित्ताका लागि सर्वसाधारण लगानीकर्ताले आवेदन दिन सक्नेछन् ।
कम्पनीको आईपीओमा न्यूनतम १० कित्तादेखि अधिकतम १ लाख कित्तासम्म आवेदन दिन सक्नेछन् ।
कम्पनीको आईपीओ निष्काशन तथा बिक्री प्रबन्धकमा बिओके क्यापिटल मार्केट लिमिटेड रहेको छ ।
वि.सं.२०७९ साउन ११ बुधवार १४:५१ मा प्रकाशित
