काठमाडौ । के तपाईलाई सुन्दर सुदूरपश्चिम घुम्न जान मन लागेको छ । छ भने हेर्नुहोस् सुदूरपच्मि घुम्न जाने प्याकेजहरु के-के छन् ? प्राकृतिक तथा धार्मिक दृष्टिकोणले महत्वपूर्ण पर्यटकीयस्थलका रुपमा रहेको सुन्दर सुदूरपश्चिमको पर्यटकीय प्याकेज लिएर व्यवसायी राजधानी आएका छन् ।
पर्यटन विकास समाज नामक संस्थाको अगुवाइमा आएका व्यवसायी तथा टुर अप्रेटरले राजधानीका पर्यटन व्यवसायी एवम् सरोकारवाला निकायसँग पर्यटकीय प्याकेज प्रस्तुत गरेका छन् । उनीहरुले सुदूरपश्चिमका महत्वपूर्ण पर्यटकीयस्थल लाई समेटेर सात वटा टुर प्याकेज सार्वजनिक गरेका छन् ।
जसअनुरुप रारादेखि खप्तडसम्मको दि एपी वेस क्याम्प–१३ दिन, दि फार वेष्ट हेरिटेज ट्रेल १७ दिन, एपी ट्रेक ११ दिन, रामा एन्ड रोशन नौ दिन, थाइसेन ट्रेक छ दिन, खप्तड ट्रेक छ दिन, खप्तड रारा ट्रेक २५ दिन र वाइल्ड वेष्ट ट्रेङ्गल १४ दिनको प्याकेज रहेको छ ।
सुदूरपश्चिमको समग्र पर्यटन विकासका लागि पर्यटकीय प्याकेज बनाएर प्रचारप्रसार अभियानमा जुटेको समाजका अध्यक्ष कृष्णबहादुर महराले बताए ।
व्इवसायहिरुले धार्मिक, सांस्कृतिक पर्यटनको महत्वपूर्ण सम्भावना बोकेको सुदूरपश्चिम क्षेत्रमा पर्यटकका लागि बस्न खानको राम्रो प्रबन्ध भएकाले ढुक्कसँग भ्रमणमा आउन आग्रह गरेका छन् ।
प्रकाशित मिति २०७३ साउन १७
वि.सं.२०७३ साउन १७ सोमवार २०:४२ मा प्रकाशित
