काठमाडौं । सोमबार पनि सुनको मूल्य वृद्धि भएको छ । नेपाली बजारमा छापावाला सुनको मूल्य आज तोलाको २ सय रुपैयाँ बढेको हो ।
अघिल्लो कारोबार दिन ९१ हजार ८ सय रुपैयाँ कायम भएको सुन सोमबारका लागि भने बढेर ९२ हजार रुपैयाँ तोकिएको नेपाल सुनचाँदी व्यवसायी महासंघले जनाएको छ । आज तेजावी सुनको भाउ ९१ हजार ५ सय रुपैयाँ निर्धारण गरिएको छ ।
यस्तै, सोमबार चाँदीको मूल्य पनि उकालो लागेको छ । आज प्रतितोला १५ रुपैयाँ बढेर १३ सय ६० रुपैयाँ पुगेको महासंघले जनाएको छ । अघिल्लो दिन १३ सय ४५ रुपैयाँमा खरिदबिक्री भएको थियो ।
वि.सं.२०७८ वैशाख २७ सोमवार १०:३६ मा प्रकाशित