काठमाडौं । आरविवि मर्चेन्ट बैंकिङले डिम्याट खाता नविकरण शुल्क बुझाउनका लागि अनुरोध गरेको छ ।
आरविवि तथा राष्ट्रिय वाणिज्य बैंकका शाखा कार्यालयहरुबाट डिम्याट खाता खोलेका सम्पूर्ण खातावालाहरुलाई वार्षिक संचालन शुल्क बुझाउन अनुरोध गरेको हो ।
आर्थिक वर्ष २०७७/७८ को असार मसान्तसम्ममा हितग्राही खाता खोली धितोपत्रको कारोबार गरिरहेका हितग्राही खातावालहरुले यस भन्दा अघिका आवको वार्षिक शुल्क वापत बुझाउनुपर्ने १ सय रुपैयाँ असार मसान्तभित्र भुक्तानी गर्न अनुरोध गरेको छ ।
आफूलाई पायक पर्ने नजिकैको राष्ट्रिय वाणिज्य बैंकको शाखाहरुबाट साथै कनेक्ट आईपीएस, फोन पे, इसेवा, प्रभु पे, खल्ती, आइएमई र आरविवि स्र्माट एप मार्फत शुल्क बुझाउन सकिने छ ।
असार मसान्तसम्म वार्षिक संचालन शुल्क नबुझाउनेहरुको हितग्राही खाता रोक्का हुने सूचनामा उल्लेख छ।
वि.सं.२०७८ असार २१ सोमवार ११:२७ मा प्रकाशित
