काठमाण्डौं । सेयर बजारमा आज आईतबार सेयर बजारमा कारोबार सुरु भएको ४७ मिनेटमा नेप्से पनि ४६ अंकले घटेपछि सर्किट लागेको छ । नेप्से १४८७.८७ मा झरेको छ भने यो अवधिमै १२ करोड ७६ लाख रुपैयाँ बराबरको सेयर किनबेच भएको छ ।
पहिलो सर्किट लागेपछि कारोबार १५ मिनेटका लागि स्थगित भएको छ । यसपछि कारोबार खुल्दा थप एक प्रतिशतले बजार घटेमा दोस्रो सर्किट लागे ३० मिनेटका लागि कारोबार बन्द हुनेछ भने पाँच प्रतिशतले बजार घटेमा आजका लागि पुरै कारोबार बन्द हुनेछ । बजार धेरै प्रतिशतले घटबढ नहोस् भनेर यसरी सर्किट लगाएर कारोबार रोक्ने गरिन्छ ।
केही दिनदेखि सेयर बजार लगातार घटेपछि लगानीकर्ताहरु आत्तिएका छन् ।
१२ मंसिर २०७३, १२।००
वि.सं.२०७३ मंसिर १२ आइतवार ११:५३ मा प्रकाशित
