काठमाडौं । नेपाली बजारमा सुनको मूल्य बढ्ने क्रम निरन्तर रहेको छ । सुनको मूल्य शुक्रवार पनि प्रतितोला रू.१ हजार ३०० ले बढेर हालसम्मकै उच्च विन्दुमा पुगेको छ ।
नेपाल सुनचाँदी व्यवसायी महासंघका अनुसार छापावाला सुनको मूल्य प्रतितोला रू.९५ हजार ८०० रहेको बताएको छ ।तेजाबी सुनको मूल्य पनि प्रतितोला रू.९५ हजार ३६५ मा कारोबार भइरहेको छ ।
अघिल्लो दिन सुनको मूल्य प्रतितोला रू.५०० ले बढेर रू.९४ हजार ५०० मा कारोबार भएको थियो। त्यस्तै, शुक्रवपार चाँदीको मूल्य भने प्रतितोला रू. ५ ले बढेर रू.१ हजार १५० मा कारोबार भइरहेको छ ।
विश्व व्यापी रुपमा कोरोना महामारीको त्रासले सुनमा लगानी गर्दा लगानी सुरक्षित हुने भएकाले लगानीकर्ताहरु आकर्षित हुँदा सुनको मूल्य बढ्दै गएको सुन व्यवसायीहरुको भनाइ छ ।
वि.सं.२०७७ साउन ९ शुक्रवार ११:१८ मा प्रकाशित