धनुषा। सञ्चार उद्यमी अरुण सिंघानीया हत्याका मुख्य योजनाकारलाई प्रहरीले पक्राउ गरेको छ । जनकपुर टुडेका प्रकाशक सिंघानीयाको ०६७ फागुनमा जनकपुरको शिव चोकमा गोली हानी हत्या भएको थियो ।
सिंघानीयाको हत्या अभियोग लागेका चन्द्रदीप यादवलाई जिल्ला प्रहरी कार्यालय धनुषाको टोलीले वकील टोलबाट पक्राउ गरेको हो । उनीसँगै यादवकी प्रेमिका कल्याणी देवी यादवलाई पनि पक्राउ गरिएको प्रहरीले जनाएको छ ।
यादवले भारतको जयनगरमा बसेर नेपालमा अपराधिक गतिविधि चलाउँदै आएको प्रहरीको दाबी छ । यादव जनकपुर बम विस्फोटका योजनाकार सञ्जय टक्लाका निकट मानिन्छन् ।
१७ चैत २०७२, ८.००
वि.सं.२०७२ चैत १७ बुधवार ११:०१ मा प्रकाशित
