काठमाडौं । सगरमाथा जलविद्युत कम्पनी साधारण सभा लागि मिति तय गरेको छ । कम्पनीले आउँदो साउन २५ गते वार्षिक साधारण सभा गर्ने भएको हो ।
कम्पनीको श्रावण २ गते बसेको सञ्चालक समितिको बैठकले वार्षिक साधारण सभाका लागि मिति तय गरको हो ।
सभा कम्पनीको केन्द्रिय कार्यालय, अनामनगर, काठमाडौँमा बिहान ९ः३० बजेबाट सुरू हुनेछ ।
सभामा साधारण सेयर (आईपीओ) निष्काशन गर्ने विशेष प्रस्ताव पारित हुनेछ ।
कम्पनीको आर्थिक वर्ष २०७८/७९ को मुनाफाबाट चुक्ता पुजीको १० प्रतिशत (कर बाहेक) नगद लाभांश वितरण गर्ने प्रस्ताव पनि सभाले पारित गर्नेछ ।
यस्तै, सभामा कम्पनीको प्रबन्धपत्र, नियमावलीमा प्रस्ताव भए बमोजिम आवश्यक संसोधन गर्ने, प्रस्तावित संसोधन तथा धितोपत्र दर्ता तथा निष्काशन सम्बन्धमा नियमनकारी निकायबाट कुनै फेरबदल वा सुझाव वा निर्देशन प्राप्त भएमा सोलाई सम्बोधनका लागि आवश्यक संसोधन समायोजन गर्न सम्पूर्ण अख्तियारी सञ्चालक समितिलाई प्रदान गर्नेछ ।
यसका साथै, सञ्चालक समितिको तर्फबाट अध्यक्षले प्रस्तुत गर्ने आर्थिक वर्ष २०७८/७९ को वार्षिक प्रतिवेदन उपर छलफल गरि पारित गर्ने, लेखापरीक्षकको प्रतिवेदनसहितको आर्थिक वर्ष २०७८/७९ को लेखा परीक्षण प्रतिवेदन, वासलात, नाफा नोक्सान हिसाव र सोही अवधिको नगद प्रवाह विवरण लगायतका वित्तिय विवरणहरु छलफल गरि पारित हुनेछ ।
त्यसैगरि आर्थिक वर्ष २०७९/८० को लागि लेखापरीक्षण कार्य गर्न लेखापरीक्षक नियुक्ती गर्ने तथा निजको पारिश्रमिक तोक्नेछ ।
वि.सं.२०७९ साउन ३ मंगलवार १०:४४ मा प्रकाशित
